СОНЖОО

Та сонжоо бөглөж өөрийнхөө мэдлэгээ шалгаарай

БЭЛГИЙН ЗАМААР ДАМЖИХ ХАЛДВАР (БЗДХ)-ЫН ТАЛААРХ МЭДЛЭГ ШАЛГАХ СОНЖОО

1 / 12

1.Бэлгэвч нь бэлгийн замаар дамжих халдвар (БЗДХ)-аас
сэргийлэх хамгийн үр дүнтэй хамгаалалт

Үнэн

Худал

Тайлбар:

БЗДХ-аас 100% хамгаалах үр дүнтэй арга гэж одоогоор байхгүй. Тэвчих нь БЗДХ-аас бүрэн сэргийлэх ганц зам бөгөөд бэлгэвч хэрэглэх нь бэлгийн замаар дамжих халдвар авахыг бууруулах өндөр үр дүнтэй аргуудын нэг юм.

Тайлбар:

2 / 12

2. Шинж тэмдэггүй, эхэн үедээ БЗДХ халддаггүй.

Үнэн

Худал

Тайлбар:

Бэлгийн замын халдварт өвчин (БЗХӨ) нь шинж тэмдэггүй, эхний үе шатандаа ч халдварладаг. Мөн зарим шинж тэмдэг нь хэвлийн доод хэсгээр өвдөх гэх мэт БЗДХ-тай холбоогүй мэт байдаг. Иймд та хамгаалалтгүй бэлгийн харьцаанд орсон, идэвхтэй бэлгийн амьдралтай бол шинж тэмдэггүй байсан ч бэлгийн замын халдварт өвчний шинжилгээнд хамрагдах нь чухал.

Тайлбар:

3 / 12

3. Дараах өвчний аль нь БЗДХ биш вэ?

Хүний хөхөнцөр вирусийн халдвар

Үтрээний үрэвсэл

Хламид

Микоплазмын халдвар

4 / 12

4. Заг хүйтэн бэлгийн замаар болон нийтийн бие засах газрын бохир суултуураар халдварладаг.

Үнэн

Худал

Заг хүйтэн нь бусад бэлгийн замаар дамжих халдваруудын адил үтрээ, шулуун гэдсээр хамгаалалтгүй бэлгийн хавьталд орох үед халдварладаг бөгөөд жорлонгийн суултуур, хаалганы бариул зэрэг гадаргуугаас халдварлах боломжгүй юм. Заг хүйтэн өвчнийг үүсгэгч нян Neisseria gonorrheae нь хүний биеэс гадна хэдхэн минут л амьдрах чадвартай. Neisseria gonorrheae нь зөвхөн үтрээ, умайн хүзүүний чийглэг орчинд л амьдардаг.

5 / 12

5. Эмчилгээ хийлгээгүй тохиолдолд аль БЗДХ-ын хожуу үед чих дүлийрэх, сохрох болон үхэлд хүргэх хүндрэл үүсгэдэг вэ?

Тэмбүү

Бэлгийн хомхой

Трихомониаз

Тайлбар:

Тэмбүүг бүрэн эмчлүүлээгүй тохиолдолд дүлийрэх, улмаар үхэлд хүргэж болзошгүй. Тэмбүүгийн анхдагч үе шат нь халдвар авснаас хойш дунджаар 3 долоо хоногийн дараа бэлэг эрхтэн, түүний ойр орчим өвчин эмзэглэлгүй шарх (хатуу яр) гарч, хэсэг хугацааны дараа аяндаа алга болно. Хоёрдогч үе шатанд биеэр загатнахгүй, тархмал тууралт гарах, арьс цайх шинж илэрнэ.

Тэмбүүгийн анхдагч ба хоёрдогч шинж тэмдэг огт илрэхгүй нууц, далд хэлбэртэй байж болох бөгөөд зөвхөн цусны шинжилгээгээр халдвартай болох нь тогтоогдоно. Тэмбүүг бүрэн эмчлүүлэхгүй тохиолдолд халдвар даамжирч дотоод эрхтнүүд нь гэмтэх, дүлийрэх, сохрох, саажих, солиорол зэрэг хүндрэлүүд илэрч, үхэлд хүргэж болзошгүй.

Тайлбар:

6 / 12

6. Дараах шинж тэмдгийн аль нь БЗДХ-ын үед илрэх вэ?

Ам, хошногоны амсар, үтрээний орчим ургацаг, шарх эсвэл үү гарах

Шээхэд хорсож өвдөх

Бэлгийн хавьтлын үед өвдөх

Дээрх бүгд

Тайлбар:

Шээхэд хорсох, бэлгийн хавьтлын үед өвдөх, ам, бэлэг эрхтэн орчимд яр шарх, цэврүү гарах зэрэг нь бэлгийн замаар дамжих өвчний түгээмэл шинж тэмдэг юм. Мөн бэлэг эрхтэн орчимд улайх, хавагнах, загатнах, бэлэг эрхтнээс хэвийн бус, үнэртэй ялгадас гарах, шалтгаан тодорхойгүй цусархаг ялгадас гарах, арьс салстаар тууралт гарах, халуурах, хэвлийн доод хэсгээр өвдөх, цавь орчмын булчирхай томрох, хөндүүрлэх зэрэг шинж тэмдгүүд илэрнэ.

Тайлбар:

7 / 12

7. Хламидийн үүсгэгч дараах өвчнийг үүсгэнэ

Төмсөгний үрэвсэл

Төмсөгний дайврын болон давсагны үрэвсэл

Хламид

Дээрх бүгд

Тайлбар:

Хламид трахоматис (Chlamydia trachomatis) гэх нянгаар хламид үүсгэгддэг бөгөөд лимфогрануломатоз (LGV), төмсөгний болон төмсөгний дайврын үрэвсэл, давсагны үрэвсэл зэрэг хүндрэл тохиолддог. Эдгээр үрэвслийн үед эрчүүдэд шээхэд хорсох, загатнах мэдрэмж төрөх, шодойноос тунгалаг ялгадас гарах, шээсний дусал булингартай болох, хуухнаг хавагнах зэрэг шинжүүд илэрдэг.

Тайлбар:

8 / 12

8. Аль нь ховор тохиолддог БЗДХ вэ?

Гепатит С

Гепатит В

Тайлбар:

Гепатит С нь элэгний үрэвслийг үүсгэдэг бөгөөд ихэвчлэн цусаар буюу шивээс хийлгэх, чих цоолуулах, мансууруулах бодис хэрэглэх үед зүү тариураар дамжин халдварладаг вирус юм. Гепатит В-ээс ялгаатай нь гепатит С нь бэлгийн замаар дамжих нь ховор байдаг.

Тайлбар:

9 / 12

9. ______ нь ХДХВ-ийн халдвартай эрчүүдтэй холбоотой хавдар юм.

Түрүү булчирхайн хорт хавдар

Элэгний хорт хавдар

Ясны хорт хавдар

Kaposi's sarcoma буюу арьсны хорт хавдар

Тайлбар:

Капоши саркома (KS ) нь хүний герпесвирус 8 (HHV-8) гэгддэг герпесвирус (KSHV)-ын халдвараас үүсдэг арьсны хорт хавдрын нэг төрөл бөгөөд арьсан дээр улаавтар эсвэл нил ягаан өнгийн товруу үүсгэх болон толбо, гэмтэл хэлбэрээр илэрдэг. Энэ өвчин ховор тохиолддог боловч дархлаа султай буюу ХДХВ-ын халдвартай хүмүүс вирус авсан тохиолдолд өвчин тусах магадлалтай.

Тайлбар:

10 / 12

10. Бэлгэвч ХДХВ-ын халдвараас бүрэн хамгаалахгүй.

Үнэн

Худал

Тайлбар:

Бэлгэвчийг зөв, тууштай хэрэглэвэл ХДХВ-ийн халдвараас сэргийлэх өндөр үр дүнтэй. Гэсэн ч бэлгэвч нь заг хүйтэн, хламид зэрэг үрийн шингэнээр дамждаг бэлгийн замаар дамжих халдвараас сэргийлэх боловч тэмбүү, бэлэг эрхтний герпес, хүний папилломавирус зэрэг зарим тохиолдолд арьс салстаар дамжин халдварладаг БЗДХ-аас хамгаалахад тийм ч үр дүнтэй биш. Иймээс ХДХВ болон бусад бэлгийн замын халдвараас урьдчилан сэргийлэх хамгийн сайн арга замуудын талаар мэргэжлийн эмчээс зөвлөгөө авах хэрэгтэй.

Тайлбар:

11 / 12

11. Үнсэлцэх нь аюулгүй бэлгийн харилцааны нэг хэлбэр мөн.

Үнэн

Худал

Тайлбар:

Харамсалтай нь үнсэлцэх нь олон тооны халдвар авах, түгээх нэг хэлбэр. Үнсэлтээр дамжих хамгийн түгээмэл БЗДХ бол бэлгийн херпес бөгөөд тэмбүү болон хүний хөхөнцөр вирусын халдвар мөн ховор тохиолдолд үнсэлцэх үед дамждаг.

Тайлбар:

12 / 12

12. Бэлгийн замаар дамжих бүх өвчнийг эмчлэх боломжтой.

Үнэн

Худал

Тайлбар:

1 Заг хүйтэн, хламиди, тэмбүү зэрэг зарим бэлгийн замаар дамжих халдварт өвчнийг эмээр эмчлэх боломжтой. Гэвч герпес, ХДХВ зэрэг вирусын гаралтай зарим өвчнүүд эмчлэгддэггүй боловч шинж тэмдгийг багасгах эмчилгээ хийгдэнэ.

Тайлбар:

Your score is

The average score is 45%

Жирэмслэхээс хамгаалах аргуудын талаарх мэдлэгээ шалгах сонжоо

1 / 14

1. Аль нь жирэмслэхээс хамгаалах арга вэ?

Бэлгэвч

Ерөндөг

Үрийн суваг боох

Үтрээний цагираг

Дээрх бүгд

Тайлбар:

Жирэмслэлтээс хамгаалах бүх төрлийн арга хэрэгсэл нь эмэгтэй хүний өндгөн эсийг эр бэлгийн эстэй нийлж үр тогтохоос сэргийлэх үйлчилгээтэй байдаг. Эрэгтэй хүний үрийн шингэн эмэгтэйн үтрээнд орохыг хаах, өндгөн эсийн боловсрох явцыг саатуулах болон мэс заслын зэрэг олон төрөл байдаг.

Тайлбар:

2 / 14

2. Жирэмслэхээс хамгаалах аргууд эрүүл мэндэд ямар ашигтай вэ?

Сарын тэмдгийн үеийн зовиурыг багасгах

Цус багадалтаас сэргийлэх

Эмэгтэйчүүдийн зарим хорт хавдраас урьдчилан сэргийлэх

Дээрх бүгд

Тайлбар:

Жирэмслэлтээс хамгаалах дааврын эм хэрэглэх нь сарын тэмдгийн хямралыг багасгах, батга арилгах, төмөр дутлын цус багадалтаас сэргийлэх боломжтой. Зарим даавар агуулсан аргыг хэрэглэх нь өндгөвч, умайн хүзүүний болон хөхний хорт хавдар үүсэх эрсдлийг бууруулдаг.

Тайлбар:

3 / 14

3. Бэлгэвч хэрэглэх нь бэлгийн сулрал үүсгэнэ.

Үнэн

Худал

Тайлбар:

Бэлэг эрхтний хөвчрөх чадвар бэлгэвч хэрэглэхтэй хамааралгүй. Зарим эрчүүд “бэлгэвч хэрэглэх үед хөвчрөх чадвар алдагдаж байна” гэдэг ч эдгээр эрчүүдийн ихэнх нь бэлгэвч хэрэглэсэн эсэхээс үл хамааран бэлэг эрхтэн хөвчрөх асуудалтай байсан нь судалгаагаар тогтоогджээ.

Тайлбар:

4 / 14

4. Жирэмслэхээс хамгаалах тариа нь хаалтын аргад ордог.

Үнэн

Худал

Тайлбар:

Жирэмслэлтээс хамгаалах хаалтын аргад эр бэлгийн эс эмэгтэйн умайд орохоос сэргийлдэг бэлгэвч, умайн хүзүүний хаалт, таглаа, спермицид зэрэг аргууд багтана. Жирэмслэхээс хамгаалах тариа нь дааврын аргад багтдаг.

Тайлбар:

5 / 14

5. Ихэнх жирэмслэхээс хамгаалах хэрэгсэл нь бэлгийн замаар дамжих халдвараас урьдчилан сэргийлдэг.

Үнэн

Худал

Тайлбар:

Зөвхөн бэлгэвч бэлгийн замаар дамжих халдвараас хамгаалах боловч бусад аргууд (үтрээний хаалт, лаа, ерөндөг эсвэл жирэмслэхээс хамгаалах эм гэх мэт) бэлгийн замаар .

Тайлбар:

6 / 14

6. Үрийн хоолой болон үр дамжуулах суваг боох аргууд нь…

Жирэмслэхээс хамгаалах уламжлалт арга

Жирэмслэхээс хамгаалах хаалтын арга

Жирэмслэхээс хамгаалах байнгын арга

Жирэмслэхээс хамгаалах яаралтай арга

Тайлбар:

Эмэгтэйн үр дамжуулах хоолой болон эрэгтэйн үрийн суваг боох мэс заслын аргууд нь жирэмслэхээс хамгаалах байнгын арга юм. Эдгээр аргыг дахин хүүхэдтэй болох төлөвлөгөөгүй хүмүүст сайн дурын үндсэн дээр хийнэ.

Тайлбар:

7 / 14

7. ___________ нь эрэгтэйчүүдэд зориулсан жирэмслэхээс хамгаалах арга юм.

Хөвч таслах

Умай тайрах

Үрийн суваг боолгох

Аль нь ч биш

Тайлбар:

Эрэгтэй хүний үрийн суваг боох гэдэг нь төмсгөнд боловсорсон эр бэлгийн эсийг шодой уруу дамжуулах үүрэгтэй сувгийг мэс заслын аргаар таслах арга юм. Энэ нь үрийн шингэн эмэгтэй хүний өндгөн эстэй нийлж, үр тогтохоос сэргийлдэг.

Тайлбар:

8 / 14

8. Доорх аргуудын аль нь жирэмслэхээс хамгаалах уламжлалт арга вэ?

Умайн хүзүүний салиа шинжлэх

Биеийн суурь халуун хэмжих

Хуанли хөтлөх

Дээрх бүгд

Тайлбар:

Уламжлалт арга буюу физиологийн арга гэдэг нь өндгөн эс боловсорч гадагшлан эр бэлгийн эстэй нийлж үр тогтох боломжтой өдрүүдийг тооцоолж бэлгийн хавьтлыг тэвчих эсвэл бэлгэвч хэрэглэж хамгаалах аргууд юм. Сарын тэмдгийн мөчлөг хянах, умайн хүзүүний салстын өөрчлөлтийг ажилглах, биеийн халууны өөрчлөлтийг шулуун гэдсээр хэмжих зэрэг аргуудаар өндгөн эс гадагшлах буюу жирэмслэх эрсдэлтэй үеийг тодорхойлдог аргууд багтдаг. Эдгээр аргыг тогтмол, зөв, урт хугацаагаар хэрэглэвэл үр дүнтэй.

Тайлбар:

9 / 14

9. ...............нь жирэмслэхээс хамгаалах хэрэгсэл нь эр бэлгийн эсийг устгадаг химийн бодис агуулдаг.

Дааврын агуулсан жирэмслэхээс хамгаалсан эм

Спермицид

Ерөндөг

Яаралтай ууж жирэмслэхээс хамгаалах эм

Тайлбар:

Спермицид нь эр бэлгийн эсийг устгадаг Ноноксинол-9 гэсэн химийн бодис агуулдаг жирэмслэхээс хамгаалах арга юм. Спермицид нь лаа, шахмал, гель, хөөс зэрэг олон хэлбэртэй.

Тайлбар:

10 / 14

10. Жирэмслэхээс хамгаалах арга хэрэглэж байсан ч жирэмслэх боломжтой.

Үнэн

Худал

Тайлбар:

Жирэмслэхээс хамгаалах арга гэмтсэн (бэлгэвч урагдаж, цоорсон гэх мэт) эсвэл жирэмслэхээс хамгаалах аргыг буруу хэрэглэсэн (жирэмслэхээс хамгаалах эм уухаа мартсан, тариагаа хугацаанд нь тариулаагүй, ерөндөг унах гэх мэт) зэрэг тохиолдолд жирэмслэх боломжтой. Жирэмслэхээс хамгаалах аргуудын хэрэглэх заавартай сайтар танилцаж, хугацаанд нь зөв хэрэглэх нь эрсдлээс хамгаална.

Тайлбар:

11 / 14

11. Хамгаалалтгүй бэлгийн хавьтлийн үед гадуур тавих, дараа нь шүршүүрт орвол жирэмслэхгүй.

Үнэн

Худал

Тайлбар:

Гадуур тавих болон бэлгийн хавьтлын дараа шүршүүрт орсон ч жирэмслэх боломжтой. Учир нь бэлгийн хавьтлын өмнө ялгарсан дурын шингэнд эр бэлгийн эс агуулагддаг бөгөөд усаар үтрээнд орсон эр бэлгийн эсийг бүхэлд нь угаах боломжгүй тул эдгээр нь жирэмслэхээс хамгаалах үр дүнтэй арга биш юм.

Тайлбар:

12 / 14

12.Lubricant буюу чийгшүүлэгч гелийг бэлгэвчтэй хамт хэрэглэхэд дараах мэдээллийн аль нь зөв бэ?

Тосон суурьтай чийгшүүлэгч нь латекстай урвалд ордог тул усан суурьтай чийгшүүлэгч ашиглах нь тохиромжтой.

Тосон суурьтай чийгшүүлэгч нь гулгамтгай болгож, үрэлтийг багасгахад илүү сайн нөлөөлдөг.

Чийгшүүлэгчийг бэлгэвчийн дотуур хэрэглэснээр бэлгийн таашаалыг нэмэгдүүлнэ.

А ба С

Тайлбар:

Бэлгийн хавьталд ороход нэмэлт тосолгоо байдлаар хэрэглэхэд зориулагдсан усан суурьтай шингэнийг чийгшүүлэгч (lubricant) гэж нэрлэдэг. Энэ нь бэлгийн хавьталд орох үед үтрээг чийгшүүлж гулгамтгай болгох, үрэлтийг багасгаж бэлгэвч урагдахаас сэргийлэх үйлчилгээтэй. Чийгшүүлэгчийн оронд хүүхдийн болон биеийн тос, вазелин зэрэг тосон суурьтай бүтээгдэхүүн хэрэглэхийг хориглодог бөгөөд энэ нь бэлгийн хавьтлын үед үрэлтээс болж бэлгэвчний материал (латекс)-тай урвалд орж бэлгэвчийг гэмтээх эрсдэлтэй. Чийгшүүлэгчийг бэлгэвчний дотуур хэрэглэвэл гулгамтгай болж шодойноос сугарах магадлалтай.

Тайлбар:

13 / 14

13. Дараах аргуудаас ............................. нь даавар агуулсан жирэмслэхээс хамгаалах арга биш.

Жирэмслэхээс хамгаалах тариа

Суулгац

Үтрээний цагираг

Ерөндөг

Тайлбар:

Жирэмслэхээс сэргийлэх дааврын аргад эмэгтэй хүний биед үүсдэг байгалийн даавар болох эстроген, прогестрон төст даавруудыг дан болон хавсарсан хэлбэрээр агуулсан дааврын эм, тариа, суулгац, үтрээний цагираг, наалт зэрэг аргууд багтдаг.

Эдгээр аргууд нь өндгөн эсийн боловсролтонд нөлөөлж, умайн хүзүүний салиаг өтгөрүүлснээр эр бэлгийн эс орохыг саатуулах замаар жирэмслэлтээс хамгаална. Дааврын агуулсан аргуудыг хэрэглэхийн өмнө мэргэжлийн эмчтэй ярилцан давуу болон сул талуудыг сонсож сонголтоо хийх, биений юмны аль өдрөөс эхлэх, хэр удаан ууж хэрэглэхийг зөвлөлдсөнөөр жирэмснээс 95-99% хамгаалах боломжтой.

Тайлбар:

14 / 14

14. Даавар агуулсан жирэмслэхээс хамгаалах аргуудыг дараах тохиолдлоос аль нь хэрэглэж болох вэ?

Тамхи татдаг эмэгтэйчүүд

6 сар хүртэлх хөхүүл эмэгтэйчүүд

Элэгний эмгэг, хөхний хорт хавдрын үед

Шалтгаан тодорхойгүй үтрээний цус алдалтын үед

Тайлбар:

Даавар агуулсан аргууд нь эхний сард зарим гаж нөлөө үүсгэдэг бөгөөд хөхний хавдар, элэгний хатуурал, хавдар, хурц үрэвсэлтэй эмэгтэйчүүд хэрэглэхийг хориглоно. хөхний сүүний гарц, чанарт нөлөөлдөг учир хөхүүл эхчүүд төрсний дараах эхний 6 сард хэрэглэхэд тохиромжгүй. Шалтгаан тодорхойгүй үтрээний цус алдалттай эмэгтэйчүүд аль болох хурдан оношлуулах хэрэгтэй.

Тайлбар:

Your score is

The average score is 48%

Та сонжоо бөглөж өөрийнхөө мэдлэгээ шалгаарай

1. Аль нь жирэмслэхээс хамгаалах арга вэ?

ХАЯГ БАЙРШИЛ

Баянгол дүүрэг, 5-р хороо, 10-р хорооллын Хаан банкны баруун талд Гэр бүл эмэгтэйчүүдийн эмнэлэг 89/3-р байр

ХОЛБОО БАРИХ

Өргөдөл, гомдол, санал хүсэлт илгээх